اسلام آباد۔22اپریل(اے پی پی)وفاقی وزیر منصوبہ بندی، ترقی واصلاحات وخصوصی اقدامات احسن اقبال آکھیے جو عمران حکومت چار سال اچ معاشی دہشت گردی نال اداریاں کوں برباد کیتے، غربت ودھی اے، کرپشن دا درجہ 14 پوڑیاں ٻیا ݙٹھے، ساکوں ترقی کیتے یورپی یونین اتے امریکی منڈیاں اچ ودھ شیئر ڳھنݨے۔ میڈیا نال الیندے انہاں آکھیا جو کپان دے دور اچ مہنگائی اتے کرپشن سر چاتے اتے سی پیک منصوبیاں تے وی عملدرآمد اچ سستی کیتی ڳئی اے، پاکستان دے ترقیاتی منصوبیاں دا حجم ڳھٹائے، سابق دور حکومت اچ 44 فیصد وفاقی ترقیاتی بجٹ دا حلیہ وڳاڑیا ڳئے، عمران خان ݙساون ملک اجناس اچ کیویں خودکفیل اے؟ ہر شئے درآمد کرݨی پوندی اے، کݨک دی ڳھٹ پیداوار اے، کݨک ہتھو منڳواوݨی پوسی، جیکر عمران خان شفاف انتخابات چاہندن تاں انتخابی اصلاحات کمیٹی اچ ٻاھوݨا پوسی، الیکشن کمیشن کوں دھمکیاں نال ڳالھ نہ ٻݨسی۔ احسن اقبال آکھیا جو عدالت آئین دی محافظ اے، آئین شکنی ہوسی تاں عدالت اپݨا کم کریسی، اساں عمران خان دے ٻݨائے مقدمات اچ سرخرو تھئے ہیں، اساں پاکستان کوں سفارتی کلہیپے توں کݙھسوں۔
