اسلام آباد۔30اگست (اے پی ??ی):وفاقی وزیر منصوبہ بندی ،ترقی و خصوصی اقدامات پروفیسر احسن اقبال ملک اچ اڄوکے سیلبا پاروں مزید ناخوشگوار واقعات توں بچݨ کیتے نیشنل ڈیزاسٹر مینجمنٹ اتھارٹی (این ڈی ایم اے) کوں صوبائی ڈیزاسٹر دے نال رل تے ھک جامع ایس او پیز تیار کرݨ دی ہدایت کیتی تاں جو مزید جانی تے مالی ضیان توں بچیا ونڄ سڳے ۔ وفاقی وزیر اے ہدایت فلڈ ریلیف کمیٹی دے اجلاس دی صدارت کریندے ہوئیں ݙتی اے، اجلاس اچ این ڈی ایم اے دے حکام وفاقی وزیر کوں ملک اچ سیلاب دی تازہ صورتحال بارے ݙسایا ۔بریفنگ ??چ این ڈی ایم اے وفاقی وزیر کوں ݙسائے جو گزریل چووی گھنٹے اچ لاہور اچ ودھ مینھ ریکارڈ کیتا ڳئے جݙاں جو اوکاڑہ، ساہیوال اتے پنجاب دے وکھو وکھ علاقیں اچ مینھ ریکارڈ کیتا ڳئے ۔ اجلاس اچ مزید ݙسایا ڳئے جو 24 گھنٹے اچ سیلاب توں مجموعی طور تے 75 لوک جاں بحق تھئن جنہاں اچوں سندھ اچ 53، کے پی اچ 16، جی بی اچ 5 اتے بلوچستان اچ ݙو لوک شامل ہن ۔ وفاقی وزیر متعلقہ حکام کوں ہدایت کیتی جو او وختی ہر متاثرہ ضلع دے نقشے تیار کرن تاں جو متاثرین جیڑھے کھلے آسمان تلے زندگی گزریندے پئن انہاں دی تعداد دا اندازہ لاتا ونڄ سڳے تے انہاں دی مدد کرݨ اچ سوکھ تھیوے، بریفنگ ??چ وفاقی وزیر سیکرٹ??ی صحت کوں ہدایت کیتی جو او متاثرہ علاقیں اچ صحت دی تازہ ترین صورتحال تے صوبیں ن??ل وختی اڄ ہی اجلاس کرن تے ول ٻدھ کوں تھیوݨ آلے کمیٹی دے اجلاس اچ تفصیلی بریفنگ وی ݙیون ۔
