اسلام آباد۔3 اکتوبر(اے پی پی) نائب وزیراعظم تے وزیر خارجہ سینیٹر محمد اسحاق ڈار قومی اسمبلی نال خطاب کریندے ارکان اقوام متحدہ دی جنرل اسمبلی دے 80ویں اجلاس دے دورا?? پاکستان دی فعال مصروفیات بارے وچ تفصیلات دا ݙسائے ۔ ترجمان دفتر خارجہ توں جاری بیان موجب انہاں وزیراعظم محمد شہباز شریف دے فلسطین، جموں و کشمیر، کلائمیٹ جسٹس، عالمی م??لیاتی نظام وچ اصلاحات تے پائیدار ترقی دی وقتی لوڑھ بارے وچ اثر انگیز بیان دا ذ??ر کیتا۔ وزیراعظم پاکستان دی وسیع سفارتی رسائی، اعلیٰ سطح دی تقریبات وچ شرکت تے اقوام متحدہ دی جنرل اسمبلی دے اجلاس دے موقع تے ݙو طرفہ ملاقاتاں، امن دیاں کوششاں کوں اڳوں ودھاوݨ وچ تعمیری کردار تے فلسطینی تے کشمیری عوام دے حقوق دی اصولی وکالت دا وی اپݨے خطاب وچ خاص طور تے ذ??ر کیتا۔ محمد اسحاق ڈار نیویارک وچ مشاورت دے بعد ست بھرا عرب اسلامی ملکاں دے نال پاکستان دی طرفوں جاری م??ترکہ بیان دی تفصیل دا وی ایوان کوں ݙسایا ۔ بیان وچ غزہ کوں معقول انسانی امداد بلا روک ٹوک ترسیل، فلسطینیاں دی بے دخلی نہ تھیوے، مکمل اسرائیلی انخلاء، غزہ دی تعمیر نو تے ݙو ریاستی حل دی بنیاد تے منصفانہ امن کیتے ہک قابل اعتبار رستہ بݨاوݨ تے زور ݙتا ڳیا جیندے تحت غزہ مکمل طور تے مغربی کنارے دے نال مربوط رہسی۔ انہاں پاکستان دے ایں مستقل تے اصولی موقف دا اعادہ کیتا جو ݙو ریاستی حل ای ہک منصفانہ تے دیرپا امن دا واحد قابل عمل رستہ اے جیندے وچ 1967ء توں پہلے دیاں سرحداں تے مبنی ہک متصل، آزاد تے خودمختار فلسطینی ریاست دا قیام اے جیندا دارالحکومت القدس الشریف ہووے۔ وزیر خارجہ سینیٹر محمد اسحاق ڈار اسرائیلی قابض افواج دی طرفوں گلوبل صمود فلوٹیلا کوں غیر قانونی طور تے روکݨ دی م??مت کریندے اینکوں بین الاقوامی سمندری قانون تے انسانی اصولاں دی کھلی خلاف ورزی قرار ݙتا۔ انہاں ایوان کوں یقین ݙیوایا جو پاکستان فلوٹیلا وچ موجود اپݨے شہریاں دی حفاظت تے انہاں دی بحفاظت واپسی کوں یقینی بݨاوݨ کیتے سرگرمی نال سفارتی کوششاں تے عمل پیرا اے۔ انہاں ایوان کوں وزیراعظم محمد شہباز شریف دی امریکی صدر ڈونلڈ ٹرمپ دے نال وائٹ ہائس وچ تھیوݨ آلی ملاقات بارے وی ݙسیا جیندے وچ فی??ڈ مارشل سید عاصم منیر وی موجود ہن۔ انہاں خوشگوار تبادلیں، پاکستان دی انسداد دہشت گردی دیاں کوششاں دی تعریف، مئی و?? پاک بھارت جنگ بندی کیتے سہولت کاری وچ صدر ٹرمپ دے کردار تے زراعت، آئی ٹی، مائینز تے منر??ز سودھے توانائی وچ امریکی سرمایہ کاری کوں مدعو کریندے تجارت کوں ودھاوݨ دے معاہدے دا وی ذ??ر کیتا۔
