اسلام آباد۔ 30 ستمبر(اے پی پی)سپیکر قومی اسمبلی سردار ایاز صادق “فتح-4” گرائونڈ کروز میزائل دے کامیاب تجربے تے قوم، مسلح افواج، سائنسداناں اتے انجینئراں کوں مبارکباد ݙتی اے۔ انہاں آکھیے جو “فتح-4” دا کامیاب تجربہ پاکستان دے دفاعی نظام کوں ودھ مستحکم بݨاوݨ کیتے ہک اہم قدم اے ڄیڑھا ساݙی فوجی صلاحیتاں اتے سائنسی ترقی دی علامت اے، ایں کامیابی ہک واری ول اے ثابت کیتے جو پاکستان دے انجینئر اتے سائنسدان ٻہوں باصلاحیت ہن اتے ملک دے دفاع کوں ناقابل تسخیر بݨاوݨ اچ انہاں دا کردار بہترین اے۔ سپیکر سردار ایاز صادق آکھیا جو جدید ٹیکنالوجی اچ پیش رفت ملکی دفاع کوں مضبوط اتے خطے اچ امن وے استحکام ودھاوݨ اچ مدد ݙیسی۔
.jpg)
