اسلام آباد۔17جولائی (اے پی پی) وزیراعظم محمد شہباز ش??یف اسلام آباد اتے راولپنڈی دے شہریاں کوں صاف پاݨی دی فراہمی، اڄوکے ذخائر کوں سیوریج دے پاݨی توں آلودہ تھیوݨ توں روکݨ، اسلام آباد کوں مختلف ڈیمز توں پاݨی دی فراہمی اتے واٹر سپلائی دا ہک مربوط نظام ٻݨاوݨ کیتے ہک ٹاسک فورس بݨاوݨ دی ہدایت کریندیں ہوئیں آکھیا جو سی ڈی اے بارش دے پاݨی نال زیر زمین ذخیرے کوں ری چارج کرݨ کیتے جامع لائحہ عمل پیش کرے۔ وزیراعظم آفس دے میڈیا ونگ ولوں جاری بیان موجب وزیراعظم محمد شہباز ش??یف دی صدارت اچ اسلام آباد اتے نال دے علاقیاں اچ صاف پاݨی دی فراہمی دے نظام بارے ہک جائزہ اجلاس خمیس کوں تھیا۔ اجلاس اچ وفاقی وزیر سید محسن رضا نقوی، میاں محمد معین وٹو اتے متعلقہ اعلیٰ حکام شر??ت کیتی۔ وزیراعظم محمد شہباز ش??یف دی ہدایت تے اسلام آباد اتے راولپنڈی دے شہریاں کوں صاف پاݨی دی فراہمی، موجودہ ذخائر کوں سیوریج دے پاݨی توں آلودہ تھیوݨ توں روکݨ، اسلام آباد کوں مختلف ڈیمز توں پاݨی دی فراہمی اتے واٹر سپلائی دا ہک مربوط نظام قائم کرݨ کیتے ٹاسک فورس بݨائی ڳئی۔ وزیر داخلہ سید محسن رضا نقوی ایں ٹاسک فورس دی سربراہی کریسن، جݙاں جو سی ڈی اے، واپڈا، اریگیشن ڈیپارٹمنٹ پنجاب اتے ݙوجھے متعلقہ اداریاں دے ارکان وی ایں ٹاسک فورس اچ شامل ہوسن۔ وزیراعظم ہدایت کیتی جو بارش دے پاݨی نال زیر زمین پاݨی دے ذخیرے کوں ری چارج کرݨ کیتے سی ڈی اے جامع لائحہ عمل پیش کرے۔ انہاں آکھیا جو راول ڈیم دے نال دی آبادیاں اتے ڈیم اچ ݙھوݨ آلے نالیاں تے کچیاں آبادیاں توں نکلݨ آلی سیوریج توں ڈیم دی آلودگی کوں روکݨ کیتے ہک نظام بݨایا ونجے، اتے غیر قانونی و کچیاں آبادیاں توں نکلݨ آلی سیوریج کیتے واٹر ٹریٹمنٹ دا نظام جلدی قائم کیتا ونجے۔وزیراعظم تربیلا، خانپور تے ݙوجھے ڈیمز توں اسلام آباد کیتے متفقہ طور تے منظور شدہ پاݨی کوں گھراں تئیں پُجاوݨ کیتے واٹر سپلائی دا نظام جلدی قائم کرݨ اتے اسلام آباد تے نال دے علاقیاں کیتے واٹر بورڈ دی تشکیل کوں جلدی حتمی شکل ݙیوݨ دی ہدایت کیتی۔ اجلاس کوں اسلام آباد اچ صاف پاݨی دی فراہمی کیتے قائم ٹاسک فورس کیتے تجویزاں پیش کیتی ڳئی۔اجلاس اچ ݙسیا ڳیا جو اسلام آباد کوں راول، تربیلا اتے خانپور ڈیم توں متفقہ طور تے منظور شدہ پاݨی دی فراہمی کیتے سپلائی سسٹم دا ٻݨایا ویندا پئے۔ اجلاس کوں نال دے علاقیاں اچ متعدد ڈیمز دی تعمیر تے پیش رفت دا وی ݙسیا ڳیا اتے انہاں ڈیمز توں اسلام آباد کوں پاݨی دی فراہمی کیتے واٹر سپلائی دے نظام دی تجویزاں تے لائحہ عمل وی پیش کیتا ڳیا۔وزیراعظم کوں اجلاس اچ مجوزہ واٹر بورڈ دے قیام دے نال نال ایں دی ذمے واریاں بارے بریفنگ ݙتی ڳئی۔ اجلاس کوں ݙسیا ڳیا جو بورڈ پاݨی دے موجودہ تے آئندہ ذخائر دے انتظام، پاݨی دی گھراں تئیں فراہمی دے طریقہ کار، پاݨی دی سٹیک ہولڈرز وچال ونڈ اتے متعلقہ اقد??ما?? دا انتظام سنبھلیسی۔ اجلاس کوں سی ڈی اے ولوں اسلام آباد دی کچی آبادیاں توں سیوریج دے اخراج پاروں پاݨی دے ذخائر دی آلودگی روکݨ بارے اقد??ما?? تے وی جائزہ پیش کیتا ڳیا۔
.jpg)