اسلام آباد۔5جولائی (اے پی پی) وفاقی وزیر اطلاعات، نشریات، قومی ورثہ تے ثقافت عطا ال??ہ تارڑ آکھیا جو اسرائیل جنگی جرائم کریندا پئے، فلسطینیاں دی نسل کشی کیتی ویندی پئی اے۔ پاکستان شنگھائی تعاون تنظیم دے سربراہی اجلاس اچ فلسطین دا مقدمہ بھرپور انداز نال لڑیے، اسرائیل کوں جنگی جرائم تے جوابدہ ٻݨاوݨ دا مطالبہ کیتے۔ جمعے کوں سینیٹ اجلاس اچ وزیراعظم دے شنگھائی تعاون تنظیم دے سربراہی اجلاس اچ شرکت بارے پالیسی بیان ݙیندیں ہوئیں انہاں آکھیا جو اسرائیل جنگی جرائم کریندا پئے، فلسطینیاں دی نسل کشی کیتی ویندی پئی اے۔، 37 ہزار توں ودھ فلسطینی شہید تھی ڳئن جئیں اچ تریمتیں اتے ٻال وی شامل ہن۔ 20 لاکھ فلسطینی آپݨے گھر توں بے گھر تھی ڳئن اتے نقل مکانی تے مجبور ہن۔ انہاں آکھیا جو شنگھائی تعاون تنظیم دے اجلاس اچ پاکستان دا موقف ہئی جو 1967ء توں پہلے دی سرحداں دے تحت آزاد فلسطینی ریاست کوں منیا ونڄے جئیں دا دارالحکومت ال??دس شریف ہووے اتے فلسطین اچ جنگی جرائم کوں فوری روکیا ونڄے۔ وفاقی وزیر اطلاعات آکھیا جو غزہ اتے رفح دا کوئی پرسان حال نی،امدادی سامان مستحقین تئیں پڄاوݨ نی ڈتا ویندا پئیا جئیں تے پاکستان شنگھائی تعاون تنظیم اچ زوردار آواز چاتی اے۔ انہاں آکھیا جو شنگھائی تعاون تنظیم اچ اسلامو فوبیا بارے وی ڳالھ تھئی اے۔ سینیٹر سرمد دے سوا?? دے جواب اچ وفاقی وزیر اطلاعات آکھیا جو 1997ء دے سروسز مینوئ?? دے تحت اشتہارات جاری کیتے ویندن، 2021ءاچ ایڈورٹائزمنٹ پالیسی آئی ہئی جئیں اچ 2022ء اچ ترمیم کیتی ڳئی ہئی۔ سارے ٹی وی چینلاں کوں انہاں ری ریٹنگ دے مطابق اشتہارات ݙتے ویندے پئن۔ انہاں آکھیا جو پچھلے پںج سالیں اچ پرنٹ اتے الیکٹرانک میڈیا کوں 16 ارب 6 کروڑ 81 لکھ 69 ہزار 105 روپے دے اشتہارات جاری کیتے ڳئن جئیں اچ پرنٹ میڈیا کوں 9 ارب 48 کروڑ 66 لکھ 82 ہزار 855 روپے دے اشتہارات جاری کیتے ڳئن جڈانجو الیکٹرانک میڈیا کوں 6 ارب 58 کروڑ 14 لکھ 86 ہزار 250 روپے دے اشتہارات جاری کیتے ڳئن۔ انہاں آکھیا جو نیوز پرںٹ ٻاہرلے ملکوں آمدے، ایں تے ݙاہ فیصد ڈیوٹی لاتی ڳئی ہئی، اساں آل پاکستان نیوز پیپر سوسائٹی دے مطالبہ تے بجٹ اچ ایں ڈیوٹی کوں ختم کر ݙتے اتے اخباراں تے کوئی نواں ٹیکس کائنی لاتا ڳئیا۔ انہاں آکھیا جو میݙی خواہش اے جو اے پی این ایس دی رہنمائی نال مضبوط اتے موثر پالیسی ڳھن تے آؤں جئیں دے تحت اے سروسز مینوئل وی اپ ڈیٹ تھیوے اتے 2021ء دی ایڈورٹائزمنٹ پالیسی کوں ٻیا فعال تے موثر ٻݨایا ونڄے۔
