اسلام آباد۔12 ستمبر(اے پی پی)ترجمان دفتر خارجہ شفقت علی خان آکھیے جو پاکستان شنگھائی تعاون تنظیم دے علاقائی انسداد دہشت گردی ڈھانچے (SCO-RATS) دی سربراہی سنبھالی اے۔ ہفتہ وار پریس بریفنگ اچ انہاں آکھیا جو ایس سی او دے علاقائی انسداد دہشت گردی ڈھانچے دے سربراہ دی حیثیت نال پاکستان دہشت گردی دے خلاف مشترکہ ترجیحات دے مطابق باہمی اعتماد، مساوات اتے مشترکہ ذمہ داری دے شنگھائی جذبے دی رہنمائی اچ علاقائی تعاون ودھاوݨ کیتے کم کریسی، اے تعاون ودھاوݨ کیتے اہم ڈومینز اچ تقریباں اتے سرگرمیاں بشمول سائبر انسداد دہشت گردی، انفارمیشن آپریشنز، بارڈر سکیورٹی، دہشت گرداں دی مالی معاونت دے انسداد اتے صلاحیت بݨاوݨ دی میزبانی وی کریسی۔ شفقت علی خان آکھیا جو پاکستان دہشت گردی دے خلاف جنگ اچ فرنٹ لائن ریاست دے طور تے نہ صرف آپݨے لوکاں ٻھل خطے اتے ایندے توں ٻاہرو دے تحفظ اتے سلامتی کیتے بے مثال قربانیاں ݙیندا پئے۔ ترجمان آکھیے جو پاکستان کوں اقوام متحدہ دی سلامتی کونسل دے ہک غیر مستقل رکن دے طور تے انسداد دہشت گردی دے شعبے اچ ٻئے اہم ذمہ داریاں وی ݙتیاں ڳئن۔ انہاں آکھیے جو پاکستان شنگھائی تعاون تنظیم، بین الاقوامی قانون اتے اقوام متحدہ دے چارٹر دے اصولاں دے مطابق دہشت گردی دے خلاف اجتماعی کوششاں کوں اڳوں ودھاوݨ کیتے بین الاقوامی اتے علاقائی شراکت داراں نال رل تے کم کریندا رہسی۔
